Ayah dan ibu di nanggroe indah
Suai bismillah khilaf ulama
Puekeuh nyan ayat dari fatihah
Atau pih ayah hana geu kira
Ulama tanyoe yang syafi’iyyah
Meunan cit surah imam hambali
Geukheun bismillah ayat fatihah
Kitab ta peuhah ta mita dali
Lam saboeh hadits Ummi salamah
Jelas neupeugah bacaan nabi
Nabi neubaca akan Bismillah
Di dalam shalah wahé ya akhi
Yoh goh neubaca al-Hamdulillah
Awai bismillah neukheun lé nabi
Nabi neu anggap nyan saboh ayah
Dari fatihah meunan geurawi
Laen pendapat abu hanifah
Ka muwafaqah Imam maliki
Bismi kön ayat dari fatihah
Jinoe ta surah ta mita dali
Lam Hadits Anas yang Radhiallah
Dron nyan peureunah shalat ngon nabi
Na cit neu ikot shalat sahabah
Hana tom peurnah neu deungö bismi
Khilaf Ulama nyan saboh rahmah
Asai di Ummah bèk saleng benci
Dali ka jeulah ayat dan Sunnah
Mazhab Arba’ah doenya akui
(Berdasarkan al-Majmu' Imam an-Nawawi)
(Berdasarkan al-Majmu' Imam an-Nawawi)
Tidak ada komentar:
Posting Komentar